Ərdoğan: "Güclü prezident üçün güclü parlamentə ehtiyac var"

Bakı. 29 may. REPORT.AZ/ "Əgər güclü hökumətdən danışırıqsa, güclü hökuməti güclü parlamentə yerləşdirməliyik".

"Report" xəbər verir ki, bu sözləri Türkiyə prezidenti Rəcəb Tayyib Ərdoğan yerli telekanallara müsahibəsində bildirib.

Dövlət başçısı qeyd edib ki, güclü prezident üçün güclü parlamentə ehtiyac var. İyunun 24-də Türkiyədə keçiriləcək növbədənkənar prezident və parlament seçkilərindən danışan Ərdoğan prezident köməkçisi məsələsinin hüquqi tənzimləmədə ortaya çıxdığını deyib. Dövlət başçısı qeyd edib ki, köməkçilərin sayı 1, yaxud 2 ola bilər.

Ərdoğan daha sonra deyib: "Biz 81 əyaləti gəzdik. Müxalifət belə bir şey etmədi". 

Türkiyə prezidenti bildirib ki, Baglumda vətəndaşlar onu və tərəfdarlarını çox mehriban qarşılayıb.