Əraqçi: İsrail müdaxilə etməsəydi, Tehran və Vaşinqton nüvə sazişinə imza atardı

İsrail müdaxilə etməsəydi, Tehran və Vaşinqton nüvə sazişinə imza atardı.

"Report" xəbər verir ki, bu barədə İranın xarici işlər naziri Abbas Əraqçi sosial şəbəkədə yazıb.

"Mayın 23-də danışıqların 5-ci raunduna yola düşərək yazmışdım: "Sıfır nüvə silahı = bizim razılaşmamız var. Sıfır zənginləşdirmə = heç bir razılaşmamız yoxdur. Əgər ABŞ Prezidenti (Donald Tramp – red.) həmin danışıqların protokollarına baxsaydı, İranla yeni və tarixi nüvə sazişini qeyd etməyə nə qədər yaxın olduğumuzu görərdi", - nazir qeyd edib.

Əraqçi İranın kütləvi qırğın silahları hazırlamaq barədə İsrail kəşfiyyatının iddialarını yalan hesab edib: "Yalnız anlaşılmaz dağıntılar oldu, Amerikanın minlərlə əsgəri həlak oldu və ABŞ vergi ödəyicilərinin 7 trilyon dollar pulu boşa getdi".

Onun sözlərinə görə, İsrail hazırda İranın müdafiə imkanlarından uydurma təhlükə yaratmağa çalışır. "İndiyə qədər amerikalılar İsrailin sonsuz müharibələrində iştirak etməkdən yorulublar", - Əraqçi vurğulayıb.

İranın xarici işlər naziri problemin yalnız diplomatik həllini gördüyünü bəyan edib.