Baltik dənizində göyərtəsində 335 sərnişin olan bərədə yanğın olub

Bakı. 2 oktyabr. REPORT.AZ/ Baltik dənizində göyərtəsində 335 sərnişin olan gəmi-bərədə yanğın və ardınca partlayış olub.

“Report” “RİA Novosti”yə istinadən xəbər verir ki, hadisə yerinə Rusiya və Litvaya aid 8 gəmi və Litvanın bir helikopteri göndərilib.

Məlumata görə, gəmi Litvanın dövlət bayrağı altında üzürmüş. Hadisə Rusiyanın Kalininqrad vilayətindən 135 km aralıda beynəlxalq suda baş verib. 

Bərənin göyərtəsində 335 sərnişin və 37 heyət üzvü olub. Gəmi Litvanın Klaypeda limanından İsveçə hərkət edirmiş. Yanğın söndürülüb. Hadisə nəticəsində ölən və xəsarət alan olmayıb.