Azərbaycandan Gürcüstana səfər edən turist itkin düşüb

Gürcüstanın Kutaisi şəhərində Niderland vətəndaşı martın 7-də itkin düşüb.

“Report”un yerli bürosu xəbər verir ki, bu barədə onun qardaşı məlumat yayıb.

Bildirilib ki, qardaşlar restoranda şam ediblər və içkili vəziyyətdə oranı tərk ediblər. Onlardan biri mehmanxanaya qayıdıb, digəri isə qayıtmayıb. İtkin düşən şəxs telefon zənglərinə də cavab vermir.

Xarici ölkə vətəndaşının itkin düşməsi barədə polisə məlumat verilib. Onun axtarışları istiqamətində tədbirlər həyata keçirilir.

Hər iki əcnəbi Gürcüstana Azərbaycandan gedib və digər ölkəyə səfər etməyi planlaşdırıblar.