Antalya-Perm aviareysini yerinə yetirən təyyarə nasazlıq səbəbindən geri dönüb

Antalya-Perm (Türkiyə-Rusiya) aviareysi ilə uçan "Pegasus" hava yolları şirkətinə məxsus "Airbus A320" tipli təyyarə havaya qalxdıqdan qısa müddət sonra texniki nasazlıq səbəbindən Antalya Beynəlxalq Hava Limanına geri dönüb.

"Report" "Lidergazete"yə istinadən xəbər verir ki, sərnişin təyyarəsi yanacaq boşaltma manevrindən sonra təhlükəsiz şəkildə aeroporta eniş edib.

Məlumata görə, "Pegasus" hava yolları şirkəti sərnişinlərin Permə yola salınması üçün başqa bir aviareys təyin edib.

Təyyarə texniki yoxlamalardan keçdikdən sonra qısa müddət ərzində Permə yola düşüb.