Sabirabadda şəhid dəfn edildi

Vətən müharibəsində şəhid olmuş 18 yaşlı Sabirabad rayonunun Poladtoğay kənd sakini əsgər Əhmədli Əhməd Anar oğlu dəfn edilib.

"Report" xəbər verir ki, şəhid doğulduğu kəndin qəbiristanlığında torpağa tapşırılıb.

Dəfn mərasimində rayon rəsmiləri, sakinlər və şəhidin yaxınları iştirak ediblər.

Qeyd edək ki, Vətən müharibəsində itkin düşmüş hesab edilən Ə.Əhmədlinin meyiti dünən tapılıb.

Allah rəhmət eləsin!