Neftçalada I Qarabağ müharibəsinin itkin-şəhidi Vaqif Məhərrəmov dəfn edilib - YENİLƏNİB

Birinci Qarabağ müharibəsində itkin düşmüş hesab edilən Vaqif Məhərrəmovla keçirilən vida mərasimi başa çatıb.

"Report"un Aran bürosu xəbər verir ki, mərasimdən sonra onun nəşi Şəhidlər xiyabanında dəfn olunub.

13:07

Neftçala şəhərində Birinci Qarabağ müharibəsində itkin düşmüş hesab edilən Vaqif Məhərrəmovla vida mərasimi keçirilib.

"Report"un Aran bürosu xəbər verir ki, vida mərasimində şəhidin doğmaları, Neftçala rayonunun rəsmi şəxsləri, hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.

Qeyd edək ki, Vaqif Mənsim oğlu Məhərrəmov 1971-ci il iyulun 3-də Neftçala şəhərində anadan olub. 1992-ci il sentyabrın 6-da Ağdərə rayonunun Çıldıran kəndində itkin düşüb.

V.Məhərrəmov Neftçala şəhəri, Şəhidlər xiyabanında dəfn ediləcək.