​"Exo Moskva"ya yeni direktor seçilib

Bakı. 15 iyun. REPORT.AZ/ Yekaterina Pavlova "Exo Moskva" radiostansiyasının yeni baş direktoru seçilib.

"Report" xəbər verir ki, bu haqda radiostansiyanın baş redaktorunun müavini Vladimir Varfolomeyev Twitter səhifəsində yazıb.

Y Pavlovaya səhmdarların iclasında iştirak edənlərin 67%-i səs verib. Yeni baş direktorun səlahiyyət müddəti 3 ildir.

Yeni direktor 2014-cü ilin fevral-dekabr aylarında bu vəzifəni daşıyıb. Həmin vaxt Y.Pavlova 20 il radiostansiyaya rəhbərlik etmiş Yuri Fedutinovu əvəzləmişdi.

Qeyd edək ki, "Exo Moskva" "Qazprom-media"ya məxsusudr.