Dövlət Komitəsi "Report"un əməkdaşını mükafatlandırıb

"Ailə, Qadın və Uşaq məsələləri mediada" müsabiqəsi qaliblərinin mükafatlandırma mərasimi keçirilib.

"Report" xəbər verir ki, Ailə, Qadın və Uşaq Problemləri üzrə Dövlət Komitəsinin müsabiqəsinə jurnalistlər tərəfindən 36 material təqdim olunub.

Müsabiqədə məişət zorakılığı, gender bərabərliyi, ailə və media, selektiv abortlar və bu kimi digər mövzular öz əksini tapıb.

Tədbirdə bir neçə jurnalistə mükafatlar təqdim olunub və 3 qalib, 7 ən yaxşı iş seçilib.

O cümlədən, "Report" İnformasiya Agentliyinin əməkdaşı Şəfiqə Məlikova (Nazimqızı) da mükafatlandırılıb. O, müsabiqədə üçüncü yerə layiq görülüb.