Mədəniyyət nazirinin birinci müavini ƏSA Teatrının kollektivi ilə görüşüb

Mədəniyyət nazirinin birinci müavini Elnur Əliyev, nazirliyin İncəsənət və qeyri-maddi mədəni irs şöbəsinin müdiri Fərəh Acalova, teatr sektorunun müdiri Könül Cəfərova və baş məsləhətçi Emin Əliyev "Çıxış yoxdur” tamaşasının nümayişindən sonra ƏSA Teatrının kollektivi ilə görüşüblər.

Teatrdan "Report"a bildirilib ki, görüşdə mədəniyyət nazirinin birinci müavini Elnur Əliyev tamaşanın xarici festivallarda ölkəmizi təmsil edə biləcəyini və ƏSA Teatrının qastrol səfərləri həyata keçirməsinin zəruri olduğunu qeyd edib.

Teatr kollektivi göstərilən diqqətə görə Mədəniyyət Nazirliyinə öz təşəkkürlərini bildirib.