Təzə bişmiş çörək sağlamlıq üçün ziyandır

“Təzə bişmiş çörəyin həzm olunması çətindir və bayatı çörəklərdən daha yüksək turşuluğa malikdir”.

“Report”un məlumatına görə, bunu “Sputnik” radiosuna verdiyi müsahibədə terapevt, diyetoloq Mariya Çernyaeva deyib.

Onun sözlərinə görə, qastrit və mədə xorası xəstəliyi kimi mədə-bağırsaq traktının işində narahatlıqlar olduqda, bu cür çörək xroniki xəstəliklərin kəskinləşməsinə səbəb ola bilər.

“Səkkiz saat və ya bir gün gözləmək kifayətdir. Onda çörək bədənə daha az zərər verəcəkdir. Təzə bişmiş çörəyi yemək asılılıq da yaradır”.