Niderlandlı təxminən 3,5 min km məsafəni ayaqyalın gəzərək dünya rekordunu qırıb

Niderlandlı müharibə veteranı Anton Notenbom 175 gündə ayaqyalın 3 450 km məsafə qət edərək yeni dünya rekordu müəyyənləşdirib.

“Report” xəbər verir ki, bu barədə “NL Times” portalı məlumat yayıb.

Qeyd olunub ki, rekord Amerikanın Sent-Luis ştatında (Missuri) avqustun 11-də yerli vaxtla saat 15:00-da qeydə alınıb.

37 yaşlı A. Notenbom Nyu-Yorka daha 1 700 km piyada getməyi planlaşdırır. O, noyabrın 2-də Tayms Meydanına çatacağını gözləyir.

Nəşr niderlandlının nə vaxt və nə qədər istirahət etməsi barədə məlumat vermir. Onun səyahəti fevralın 17-də Kaliforniyadakı Santa Monika çimərliyində başlayıb.