​«Turanbank» poçt işçiləri üçün kredit aksiyası keçirir

Bakı. 8 oktyabr. REPORT.AZ/ Azərbaycanın «Turanbank» ASC 9 oktyabr - Ümumdünya Poçt Günü münasibətilə poçt rabitəsi işçilərinin peşə bayramları münasibətilə “Azərpoçt” MMC-nin əməkdaşları üçün istehlak kreditlərinin illik faizlərində 3% endirim edib. Oktyabrın 9-13-də Bankın istənilən filialına müraciət etməklə qeyd olunan endirimdən yararlanmaq mümkündür.

"Turanbank"ın baş ofisindən "Report"a verilən məlumata görə, kredit faizlərində endirim Bankın müxtəlif peşə sahibləri üçün nəzərdə tutulan endirimli kampaniyaları çərçivəsində həyata keçirilir.

Qeyd edək ki, hazırfa Bankın 15 xidmət nöqtəsi (o cümlədən, 8-i regionlarda) və 17 valyuta mübadiləsi şöbəsi fəaliyyət göstərir.