“Qala Sığorta”nın səhmdarlarının yığıncağı keçiriləcək

Yanvarın 29-u saat 15:00-da “Qala Sığorta” ASC-nin səhmdarlarının növbəti ümumi yığıncağı keçiriləcək.

“Report” xəbər verir ki, yığıncaq şirkətin baş ofisinin yerləşdiyi Bakı şəhəri, Nəsimi rayonu, Azadlıq prospekti, 124 B ünvanında olacaq.

Yığıncağın gündəliyinə “Qala Sığorta” 2021-ci il üçün büdcəsinin təsdiq olunması, 2020-cu ilin maliyyə hesabatları üçün müstəqil auditorunun seçilməsi və digər məsələlər daxildir.

Xatırladaq ki, "Qala Sığorta" 1999-cu ildən fəaliyyət göstərən "Çartis Azərbaycan" şirkətinin bazasında yaradılıb. Onun nizamnamə kapitalı 8,05 milyon manatdır. Şirkətin səhmləri 100 % "AzReTəkrarsığorta" ASC-yə məxsusdur.