Azərbaycanda plastik boru istehsalçısı 14%-lik istiqrazlar üzrə sonuncu faiz ödənişini həyata keçirib

Bakı. 4 fevral. REPORT.AZ/ Plastik boru istehsalçısı olan METAK 14%-lik istiqrazları üzrə sonuncu kupon ödənişini həyata keçirib və əsas məbləği qaytarıb.

Şirkətdən “Report”a verilən məlumata görə, METAK tərəfindən 2018-ci il 29 yanvar tarixində 2 milyon MANAT həcmində emissiya edilmiş bir illik istiqrazların tədavül müddəti bitib. Bu istiqrazların sahibləri bir ilə, ümumilikdə, 280 min manat qazanıb.

METAK istiqrazları üzrə son bir il ərzində 4 dəfə faizlər ödənilib. 2018-ci il aprelin 29-da ödənişlərin ümumi həcmi 69,041 min manat, iyulun 29-da 69,808 min manat, oktyabrın 29-da 70,575 min manat, 2019-cu il yanvarın 29-da isə 70,575 min manat təşkil edib.