Naxçıvan iqtisadiyyatı 1 % böyüyüb

Bu ilin yanvar-noyabr aylarında Naxçıvan MR-də 2,557 milyard manat dəyərində ümumi daxili məhsul (ÜDM) istehsal olunub.

“Report” yerli Dövlət Statistika Komitəsinə istinadən xəbər verir ki, bu, ötən ilin eyni dövrünə nisbətən 1 % çoxdur.

Son 1 ildə muxtar respublikada adambaşına düşən ÜDM-in dəyəri isə 2 % artaraq 5 550 manat olub.

11 aylıq ÜDM-in 967 182,3 min manatlıq hissəsi sənaye məhsulu olub. Bu, illik müqayisədə 1,5 % çoxdur.

Hesabat dövründə bölgədə istehsal olunmuş kənd təsərrüfatı məhsullarının ümumi dəyəri isə 4,3 % artaraq 458 milyon manat təşkil edib.