"Zirə" UEFA Konfrans Liqasında II təsnifat mərhələsinə vəsiqə qazanıb - YENİLƏNİB-5

"Zirə" UEFA Konfrans Liqasında II təsnifat mərhələsinə vəsiqə qazanıb.

"Report"un məlumatına görə, Rəşad Sadıqovun baş məşqçisi olduğu kollektiv I təsnifat mərhələsinin cavab oyununda Gürcüstanın "Torpedo" komandasının qonağı olub.

Kutaisidəki "Şengeliya Arena"da keçirilən qarşılaşma Azərbaycan təmsilçisinin qələbəsi ilə yekunlaşıb - 3:0.

25 və 70-ci dəqiqələrdə Eren Aydın, 39-cu dəqiqədə Amin Seydiyev fərqlənib.

Sumqayıtdakı ilk matçda rəqibini üç cavabsız qolla üstələyən "Zirə" II təsnifat mərhələsinə vəsiqə qazanıb. "Qartallar" bu raundda Estoniyanın "Payde" klubu ilə üz-üzə gələcək. II təsnifat mərhələsinin matçları iyulun 23-ü və 30-da keçiriləcək.

21:29

Gürcüstanda yerli "Torpedo" və "Zirə" komandaları arasında keçirilən UEFA Konfrans Liqasının I təsnifat mərhələsinin cavab oyununda üçüncü qol vurulub.

"Report"un məlumatına görə, Azərbaycan təmsilçisi fərqi daha da artırıb - 3:0.

Eren Aydın 70-ci dəqiqədə dubl müəllifi olub.

21:10

Gürcüstanda yerli "Torpedo" və "Zirə" komandaları arasında keçirilən UEFA Konfrans Liqasının I təsnifat mərhələsinin cavab oyununda ikinci hissə başlayıb.

"Report"un məlumatına görə, Azərbaycan təmsilçisi hesabda öndədir - 2:0.

25-ci dəqiqədə Eren Aydın, 39-cu dəqiqədə Amin Seydiyev fərqlənib.

20:52

Gürcüstanda yerli "Torpedo" və "Zirə" komandaları arasında keçirilən UEFA Konfrans Liqasının I təsnifat mərhələsinin cavab oyununda ikinci qol vurulub.

"Report"un məlumatına görə, Azərbaycan təmsilçisi fərqi daha da artırıb - 2:0.

39-cu dəqiqədə Amin Seydiyev fərqlənib. Hazırda ilk hissə başa çatıb.

20:29

Gürcüstanda yerli "Torpedo" və "Zirə" komandaları arasında keçirilən UEFA Konfrans Liqasının I təsnifat mərhələsinin cavab oyununda hesab açılıb.

"Report"un məlumatına görə, qarşılaşmada ilk qolu Azərbaycan təmsilçisi vurub.

25-ci dəqiqədə Eren Aydın fərqlənib.

20:00

Gürcüstanda yerli "Torpedo" və "Zirə" komandaları arasında təşkil olunan UEFA Konfrans Liqasının I təsnifat mərhələsinin cavab oyunu başlayıb.

"Report"un məlumatına görə, qarşılaşma Kutaisidəki "Şengeliya Arena"da keçirilir.

Görüşün baş hakimi macarıstanlı FIFA referisi Mihali Kapraydır.

Cütün qalibi növbəti mərhələdə "Hegelmann" (Litva) – "Payde" (Estoniya) duelinin güclüsü ilə görüşəcək.

Xatırladaq ki, Sumqayıtdakı ilk oyunda "Zirə" rəqibini üç cavabsız qolla məğlub edib.