MDB-nin statistik göstəriciləri Dünya Bankına təqdim olunacaq

MDB regionun statistik göstəriciləri gələn ilin IV rübündə Beynəlxalq Müqayisələr Proqramına daxil edilmək üçün Dünya Bankına təqdim olunacaq.

"Report" xəbər verir ki, bunu MDB-nin Statistika Komitəsinin sədrinin müavini Andrey Kosarev Bakıda "Statistikanın inkişaf perspektivləri: beynəlxalq layihələrin rolu" mövzusunda keçirilən III Beynəlxalq Statistika Forumunda bildirib.

O qeyd edib ki, bu məlumatlara valyutaların pariteti də daxildir: "Bu paritet məlumatlarının iqtisadi analiz vəziyyətində tətbiq edilir. Məsələn, 2021-ci ilin məlumatlarına görə ölkələrin dünya ÜDM-indəki payına nəzər salmış olsaq ilk onluğa daxil olan yalnız 3 ölkənin qlobal ÜDM-dəki payı əvvəlki dövr olan 2017-ci illə müqayisədə artıb. Söhbət Çin, Hindistan və Rusiyadan gedir. Digər ölkələr - ABŞ, Yaponiya, Almaniya, Braziliya, Fransa, Böyük Britaniya, İndoneziyanın payı isə azalıb. Eyni dövr ərzində MDB ölkələri dünya ÜDM-indəki paylarını artırıblar. Ölkə birliklərinin, 2011, 2017 və 2021-ci illərin müqayisələr proqramı dövrlərində dünya ÜDM-dəki payına baxsaq, MDB-nin payı 2011-dən 2021-ə qədər 4,3 %-dən 4,8 %-ə qədər artıb. Həmin dövrdə, 7-liyin payı davamlı olaraq azalıb, BRICS-in payı isə davamlı artıb".

Qonağın sözlərinə görə, ÜDM-dən başqa həyat səviyyəsini xarakterizə edən çox mühüm makroiqtisadi göstərici ev təsərrüfatlarının adambaşına düşən faktiki son istehlakıdır: "Həmin dörd ölkə birləşməsi: MDB, BRICS-5, Yeddilik və Avropa İttifaqı. Onlar üçün də görünür ki, adambaşına düşən faktiki son istehlak 2017-dən 2021-ci ilə qədər artıb".