“InvestAZ”dan dünya maliyyə bazarları ilə bağlı həftəlik analiz

Bu həftə ABŞ-da Mərkəzi bankı faiz qərarını açıqlayacaq

"InvestAZ İnvestisiya Şirkəti" QSC-nin analitikləri bu həftə üzrə dünya maliyyə bazarlarında son vəziyyət və qısa müddətdə gözlənilənlərlə bağlı məlumat verib.

EUR

Ötən həftə sonu Avrozonada açıqlanan inflyasiya göstəricilərinin yüksək rəqəmlərdə dəyişməz qalmasından sonra avronun qiymətində bahalaşma müşahidə olundu. 1.0030 bənd səviyyəsinədək bahalaşan EURUSD cütlüyü hal-hazırda 1.0000 bənd səviyyəsində ticarət olunur. Çərşənbə saat 22.00-da ABŞ Mərkəzi bankı (FED) faiz qərarını açıqlayacaq.

GBP

Ötən həftə zəif açıqlanan iqtisadi göstəricilər fonunda funt 37 ilin minimum səviyəsi 1.1351 bənd səviyyəsinədək ucuzlaşdı.

22 sentyabrda İngiltərə Mərkəzi bankı faiz qərarının açıqlaması gözlənilir.

TRY

Ötən cümə günü 18.2180TL hədlərinə kimi ucuzlaşan USDTRY məzənnəsində artım tendensiyası davam edir. Hazırda 18.25TL hədlərində ticarət olunan USDTRY cütlüyündə 18.26TL səviyyəsi qırılacağı təqrdirdə tarixi maksimumlar növbəti dəfə test edilə bilər. Cümə axşamı saat 15.00-da Türkiyə Mərkəzi bankının faiz qərarı açıqlanacaq.

OIL

ABŞ maliyyə naziri Janet Yellenin ötən həftə verdiyi açıqlamalarda bildirilirdi ki, ABŞ-da neft hasilatının maksimumlarda olması növbəti soyuq aylarda Avropada neftə olan tələbatı qarşılaya bilməyəcəyi proqnozları ilə neftin bahalaşması müşahidə olunur. Qiymətə təsir edən digər müsbət amil kimi Çinin böyük şəhərlərində Covid-19 məhdudlaşdırmalarının aradan qaldırılımasını qeyd etmək olar.

GOLD

Qızıl ötən həftə 1654$-a kimi ucuzlaşsa da, yenidən 1680$ hədlərinə kimi irəlilədi. Bu həftə gözlənilən volatillik şəraitində qızıl 1700$-a kimi bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

Çərşənbə günü saat 22.00-da ABŞ Mərkəzi bankı (FED) faiz qərarını açıqlayacaq. Bu həftə gözlənilən volatillik şəraitində qızıl 1700$-a kimi bahalaşa bilər

“İnvest-AZ İnvestisiya Şirkəti”nin

Analitika Departamenti

“İnvest-AZ İnvestisiya Şirkəti”nin fəaliyyətini Azərbaycan Mərkəzi Bankı tənzimləyir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.