"Bank Respublika" 6 nominasiya üzrə qalib seçildi!

Ötən həftə “Azərbaycan Banklar Assosiasiyası” İctimai Birliyi ənənəvi “Bankçılıq Mükafatları” adlı tədbir keçirib və ölkə banklarını 2022-ci ildəki fəaliyyətinə görə müxtəlif nominasiyalar üzrə mükafatlara layiq görüb. “Bank Respublika” ASC ötən illərdə olduğu kimi, bu il də ən çox mükafat qazanan banklardan biri olub.

Bankın 2022-ci ildə həyata keçirdiyi sosial layihələrin hamısı yüksək qiymətləndirilib və bütün nominasiyalar üzrə qalib seçilərək 6 mükafat qazanıb:

- Korporativ sosial məsuliyyət layihələri həyata keçirən ən fəal bank;

- Ən fəal maliyyə savadlılığı dəstəkçisi;

- Ən fəal təhsil dəstəkçisi;

- Nağdsız ödənişlərin təşviqi sahəsində tədbirlərlə fərqlənən ən fəal bank;

- Kiçik və Orta Biznesin maliyyə əlçatanlığının artırılması ilə əlaqədar tədbirlər keçirmiş ən fəal bank;

- Rəqəmsal ödənişlərdə təhlükəsizliyə dair maarrifləndirmə layihələri həyata keçirən ən fəal bank.

“Bank Respublika” ötən il korporativ sosial məsuliyyət proqramı çərçivəsində bir çox layihələr həyata keçirib:

• “Nargis” Fondu ilə birgə şəhid və aztəminatlı ailələrə dəstək layihəsi;
• SOS Uşaq Kəndləri və ABŞ-nin Çikaqo Universieti ilə birgə uşaqların internat müəssisələrinə qoyulmasının qarşısını almaq məqsədilə birgə layihə;
• “Tənha anaların sosial inkişafına dəstək” layihəsi çərçivəsində Şamaxıda sosial müəssisə;
• “YAŞAT” Fondunun şəhid övladları üçün birgə təşkil etdiyi "YAŞAT" düşərgəsinə dəstək layihəsi;
• Şuşa şəhərində şəhid övladları üçün həyata keçirilən "Zəfər" Yay Məktəbinə dəstək layihəsi

Bundan başqa, “Bank Respublika” ölkədə nağdsız ödənişlərin stimullaşdırılması məqsədilə dünyada ilk dəfə olaraq “Wolt kobrend” kartını buraxıb. Bank həmçinin, əhalinin maliyyə savadlılığının artırılması məqsədilə sosial şəbəkələrdə və radioda rəqəmsal ödənişlərdə təhlükəsizliyə dair maarifləndirmə layihələri reallaşdırıb.

Daha ətraflı məlumatı bankın rəsmi web saytında, facebook, instagram, linkedin səhifələrində və yaxud Bankın Çağrı Mərkəzinə 144 nömrəsinə zəng edərək əldə edə bilərsiniz.