Azərbaycanda manatla geniş pul kütləsi 18 % artıb

Bu il martın 1-nə Azərbaycanda geniş mənada pul kütləsinin həcmi 44 milyard 762,6 milyon manat təşkil edib.

"Report"un Azərbaycan Mərkəzi Bankına istinadən verdiyi xəbərə görə, geniş mənada pul kütləsinin həcmi aylıq müqayisədə 0,3 % az, ilin əvvəlinə nisbətən 0,7 % az, illik müqayisədə isə 7,3 % artıb.

Manatla geniş mənada pul kütləsinin həcmi fevralın sonuna 34 milyard 264 milyon manat təşkil edib. Bu, yanvarın sonuna olan analoji göstəricidən 0,1 % çox, ilin əvvəlinə nisbətən 3,1 % az, illik müqayisədə isə 18,1 % çoxdur.