Azərbaycanda iyulda dövlət xətti ilə 573 ipoteka krediti verilib

Bu il avqustun 1-nə Azərbaycanda dövlət xətti ilə verilmiş ipoteka kreditlərinin məbləği 1 522 752 min manat təşkil edib.

“Report” İpoteka və Kredit Zəmanət Fonduna istinadən xəbər verir ki, bu, iyulun 1-i ilə müqayisədə 38 266 min manat, yaxud 2,6% çoxdur.

Ötən ay dövlət xətti ilə verilən ipoteka kreditlərinin sayı 573 vahid artaraq 29 203-dən 29 776 çatıb.

Fond dövlət xətti ilə zəmanət və subsidiyalar verilmiş kreditlərin məbləğini də açıqlayıb. Bu məbləğ iyulda 3 375 min manat və yaxud 3,7% artaraq 91 341 min manata çatıb.