Azərbaycanda ipoteka istiqrazlarının 65 mln. manatlıq emissiyasının ilk tranşı yerləşdiriləcək

Bakı. 27 noyabr. REPORT.AZ/ Noyabrın 29-da “Bakı Fond Birjası” QSC-də İpoteka və Kredit Zəmanət Fondunun 25 mln. manat məbləğində adlı, sənədsiz, faizli ipoteka istiqrazlarının yerləşdirilməsi üzrə hərrac keçiriləcək.

“Report” Fonda istinadən xəbər verir ki, qiymətli kağızlar 1 000 manatdan satışa çıxarılacaq.

Xatırladaq ki, Maliyyə Bazarlarına Nəzarət Palatası Fondun istiqrazlarının baza emissiya prospektini oktyabrın 26-da dövlət qeydiyyatına alıb. Emissiyanın ümumi məbləği 65 mln. manat, bir istiqrazın nominal dəyəri 1 000 manat, istiqrazlar üzrə illik faiz dərəcəsi isə 3% təşkil edir.

Baza emissiya prospektinə əsasən, yerləşdirmə kütləvi təklif üsulu ilə həyata keçiriləcək. Depozitari və sərəncamçı xidmətlərini Milli Depozit Mərkəzi göstərəcək.