Azərbaycanda geniş pul kütləsi 24 %-dək artıb

Bu il yanvarın 1-nə Azərbaycanda geniş mənada pul kütləsinin həcmi 42 milyard 824,9 milyon manat təşkil edib.

Bu barədə "Report" Azərbaycan Mərkəzi Bankının hesabatına istinadən xəbər verir. Bu, aylıq müqayisədə 2,6 %, illik müqayisədə isə 23,6 % artıb.

Manatla geniş mənada pul kütləsinin həcmi ötən ilin sonuna 29 milyard 565,6 milyon manat təşkil edib. Bu, ötən il noyabrın sonuna olan analoji göstəricidən 3,1 % çox, illik müqayisədə isə 23,8 % çoxdur.