Azərbaycan manatının effektiv məzənnələri artıb

Bu ilin aprel ayının 1-nə Azərbaycan manatının xarici valyutalara nisbətən nominal effektiv məzənnəsi 93,2 bənd təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 6,8 bənd, ilin əvvəli ilə müqayisədə 7,8 bənd, ötən ilin eyni dövrü ilə müqayisədə 17,3 bənd çoxdur.

Bu ilin mart ayının sonuna manatın real effektiv məzənnəsi isə 119,5 bənd təşkil edib. Bu isə aylıq müqayisədə 6,2 bənd, ilin əvvəli ilə müqayisədə 5,9 bənd, illik müqayisədə isə 17,3 bənd çoxdur.