Azərbaycan Böyük Britaniya ilə maliyyə sektorunda əməkdaşlığı müzakirə edib

Azərbaycan və Böyük Britaniya arasında bank və maliyyə sektorunda əməkdaşlıq müzakirə edilib.

"Report" xəbər verir ki, bunu Azərbaycan Mərkəzi Bankının (AMB) sədri Taleh Kazımov "X" sosial şəbəkəsindəki hesabında bildirib.

"Ölkəmizdə səfərdə olan Böyük Britaniyanın ixrac məsələləri üzrə dövlət naziri Lord Malcolm Offord ilə bu gün görüşdük, Azərbaycanla bu ölkə arasında mövcud əməkdaşlıq imkanlarını, o cümlədən hər iki ölkənin bank və maliyyə sistemləri arasında əməkdaşlıq perspektivlərini müzakirə etdik", - deyə o qeyd edib.