Azərbaycan banklarının xalis xarici aktivləri 5 % azalıb

Bu il sentyabrın 1-nə Azərbaycan banklarının xalis xarici aktivləri 21 milyard 126,5 milyon manat təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 2,4 % çox, ilin əvvəlinə nisbətən 15,6 % az, ötən il sentyabrın 1-i ilə müqayisədə isə 4,6 % azdır.

Bu il avqustun sonuna bankların xalis daxili aktivləri 19 milyard 983,8 milyon manat təşkil edib ki, bu da aylıq müqayisədə 2,2 % az, ilin əvvəlinə nisbətən 12,1 % çox, illik müqayisədə isə 17,9 % çoxdur.

Azərbaycanda 24 bank fəaliyyət göstərir.