Avrozonada inflyasiya səviyyəsi 3 ilin ən yüksək həddinə çatıb

Avrozonadakı 19 ölkədə illik inflyasiya səviyyəsi may ayında 1,6 faizdən 2 faizədək artıb.

“Report” xəbər verir ki, bu barədə “Eurostat”ın hesabatında bildirilir. Bu isə 2018-ci ilin payızından bu yana ən yüksək rəqəmdir. Aylıq inflyasiya 0,3 faiz olub.

Pərakəndə satış bazarında ən çox ucuzlaşma Yunanıstanda (1,2 faiz), ən çox bahalaşma isə Macarıstanda (5,3 faiz) qeydə alınıb.