Avronun məzənnəsi 1,124 dollara düşüb

Bakı. 28 fevral. REPORT.AZ/ Fevralın 27-də Amerika fond bazarında Dow Jones indeksində 0,45% azalma müşahidə edilib və 18 132,70 bənd təşkil edib. S&P 500 0,30% azalaraq 2 104,50 bənd, Nasdaq isə 0,49% azalaraq 4 963,53 bənd olub.

"Report" xəbər verir ki, Avropa fond bazarında FTSE 100 indeksi 0,04% azalaraq 6 946,66 bənd, Almaniya DAX-ı 0,66% bahalaşaraq 11 401,66 bənd, Fransa CAC-40-ı isə 0,83% bahalaşaraq 4 951,48 bənd təşkil edib.

Bu gün səhərə COMEX-də qızılın bir unsiyasının qiyməti 0,34% bahalaşaraq 1 213,70 dollar olub. Dünya bazarında avronun dollara qarşı məzənnəsi isə 1,124 (-0,7%) təşkil edib.