AIIB və ADB şəhər layihələri üzrə birgə işi genişləndirməyi planlaşdırır

Asiya İnfrastruktur İnvestisiya Bankı (AIIB) və Asiya İnkişaf Bankı (ADB) şəhər layihələrinin işlənib hazırlanması və hazırlığı sahəsində qarşılıqlı fəaliyyəti genişləndirməyə hazır olduqlarını bildiriblər.

"Report" xəbər verir ki, bunu AIIB-in tərəfdaşlıq üzrə baş mütəxəssisi Pin Yen Çea Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində "Qlobal Mənzil Maliyyələşdirməsindən Yerli Əlverişli Mənzil Fəaliyyətinə: Qlobal İnkişafdan və Submilli Maliyyədən İstifadə" mövzusunda panel müzakirəsində deyib.

P. Çea layihə risklərinin minimuma endirilməsi üzrə birgə səylərdə ADB-in əhəmiyyətli rolunu vurğulayıb.

"ADB layihələrin hazırlanmasına resurslar ayırmaqla Asiya Şəhərlərinin İnkişafı Təşəbbüsü (CDIA) vasitəsilə əhəmiyyətli töhfə verib və bunun sayəsində AIIB Dəkkənin dirçəldilməsi layihəsi, o cümlədən gecəqondu məhəllələrinin modernləşdirilməsi komponenti üçün maliyyələşmə aça bilib. AIIB şəhər infrastrukturu və əlçatan mənzil təminatı sahəsində tərəfdaşlığı daha da genişləndirmək məqsədilə ADB nümayəndələri ilə məsləhətləşmələri davam etdirməyi planlaşdırır", - bankın mütəxəssisi bildirib.