Voleybol üzrə Azərbaycan Yüksək Liqasında müntəzəm mövsümün son turu başlayıb

Voleybol üzrə Azərbaycan Yüksək Liqasının müntəzəm mövsümündə sonuncu tura start verilib.

"Report" xəbər verir ki, kişilərin yarışında XVIII turun iki oyunu baş tutub.

"Neftçi" "Gənclər"i 3:0, "Ordu" isə "Murov Az Terminal"ı 3:2 hesabı ilə məğlub edib.

Qarşılaşmalar Fövqəladə Hallar Nazirliyinin (FHN) idman zalında keçirilib.

Qadınların mübarizəsində "Murov Az Terminal" "Turan"ın qonağı olub. Tovuz Olimpiya İdman Kompleksində baş tutan görüş ev sahiblərinin 3:1 hesablı qələbəsi ilə bitib.