Rusiyalı hokkeyçi ABŞ klubunun tarixində rekorda imza atıb

Milli Hokkey Liqası (NHL) təmsilçisi "Nyu-York Reyncers"in rusiyalı üzvü Artyom Panarin klubun tarixində rekorda imza atıb.

"Report" xarici KİV-ə istinadən xəbər verir ki, o, 500 xal həddinə ən tez çatan oyunçu olub.

Bu, "Florida Panters"ə qarşı matçda (3:5) reallaşıb. Qarşılaşmada məhsuldar ötürmə ilə fərqlənən Panarin 500 xal həddinə digər oyunçulardan daha tez - 384 matçda çatıb.

Rusiyalı hücumçu həmçinin klub tarixində bu göstəriciyə çatan 14-cü oyunçu olub.

Qeyd edək ki, hokkeyçi NHL-in cari mövsümündə 34 matçda 16 qol və 23 məhsuldar ötürmə ilə yadda qalıb.