Azərbaycanın voleybol milliləri Avropa Liqasında növbəti oyunlarına bu gün çıxacaqlar

Azərbaycanın qadın və kişilərdən ibarət voleybol milliləri Avropa Liqasında növbəti oyunlarını bu gün keçirəcəklər.

"Report"un məlumatına görə, qadınlardan ibarət komanda Şimali Makedoniya ilə üz-üzə gələcək.

İspaniyada təşkil olunacaq qarşılaşma Bakı vaxtı saat 20:30-da start götürəcək. Faiq Qarayevin rəhbərlik etdiyi Azərbaycan millisi 3 xalla 11-ci, xalı olmayan Şimali Makedoniya 23-cü pillədə qərarlaşıb.

Kişilərdən ibarət kollektiv isə İspaniya ilə münasibətlərə aydınlıq gətirəcək. Oyun Rumıniyada, Bakı vaxtı ilə saat 20:00-da başlayacaq. İspanlar 6 xalla 8-ci, əvvəlki matçlarda uduzan Boris Qrebennikovun baş məşqçisi olduğu Azərbaycan yığması 24-cü yerdədir.