Amil Həmzəyev: Öz oyunumuzu sərgilədik, rəqibin Ermənistan millisi olmasına fikir vermədik

Öz oyunumuzu sərgilədik, rəqibin Ermənistan millisi olmasına fikir vermədik.

Bunu "Report"a açıqlamasında 3x3 basketbol üzrə Azərbaycan millisinin üzvü Amil Həmzəyev Kosovonun paytaxtı Priştinada keçirilən Avropa Kubokunun təsnifat mərhələsindəki ilk matçla bağlı danışarkən deyib.

Təcrübəli oyunçu digər görüşlərdə də yaxşı çıxış etmək istədiklərini bildirib: "Basketboldan əlavə iki ölkə arasındakı prinsipiallığı bütün dünya bilir. Bu səbəbdən gərginlik ola bilərdi. Peşəkarlığı qorumağa çalışdıq. Turnirə yaxşı start verdik. Əsas məqsəd Avropa Kubokuna qatılmaqdır".

Qeyd edək ki, Azərbaycan yığması ilk matçında Ermənistan seçməsini 21:9 hesabı ilə məğlub edib.