Şabranda yanmış ağacların yerinə yeni ağaclar əkilib, yaşıllıqlar salınıb

Ötən il Şabran rayonunun Ağalıq kəndi yaxınlığında açıq sahədə baş vermiş yanğın nəticəsində 40 hektar sahədə müxtəlif ağaclar, kol-kos yanıb.

Bu il "Pim Agro" şirkəti “Heydər Əliyev İli” çərçivəsində qurumuş ağacların yerinə 600-a yaxın həmişəyaşıl ağaclar əkib, yaşıllıqlar salıb, suvarma sistemi təşkil edib, o cümlədən təmizlik və abadlıq işləri aparıb.

Əkilən ağaclara mütəmadi aqrotexniki qulluq işləri göstərilir.

Rayon ərazisində ekoloji durumun yaxşılaşdırılması, yaşıllıqların artırılması və ağac əkilməsinin təşviqi məqsədilə bundan sonra da bu kimi işlər davam etdiriləcək.