İmişlidə Balaca Bazı kanalında əsaslı təmir işləri aparılır

İmişli rayonunda Balaca Bazı kanalında əsaslı təmir işləri aparılır.

"Report"un Muğan bürosunun məlumatına görə, sözügedən kanal İmişli Su Meliorasiya Sistemlərinin İstismarı İdarəsinin balansındadır.

Əsaslı təmir işləri çərçivəsində yeni novlar quraşdırılır. Bununla da kanalda su itkisinin qarşısı alınacaqdır.

Qeyd edək ki, rayon ərazisində mövcud olan kanalların 430 kilometri beton üzlüklüdür. Cari ildə rayonun Qaralar və Muradallı kəndləri ərazilərində 280 hektar sahəyə xidmət göstərən və uzunluğu 5 600 metr olan su kanalında betonlanma işləri aparılıb.

Həmçinin Çaxırlı kəndi ərazisində ümumi uzunluğu 1 750 metr olan Künc arx kanalının 750 metr hissəsində novlar quraşdırılıb.