"Samsung" Azərbaycanın planşet bazarındakı payının 33 %-ni itirib

Ötən ilin dekabr ayında Azərbaycanın planşet bazarında "Samsung"un payı 56,49 % təşkil edib.

"Report"un "Statcounter" agentliyinin son hesabatına istinadən verdiyi məlumata görə, bu, noyabr ayına nisbətən 7,31 faiz bəndi çox, bir il əvvəlki göstərici ilə müqayisədə isə 27,6 faiz bəndi azdır.

Beləliklə şirkətin bazar payı illik ifadədə 33 % azalıb.

İkinci pillədə qərarlaşan "Apple"ın bazar payı aylıq 0,61 faiz bəndi, illik isə 16,58 faiz bəndi artaraq 23,33 % təşkil edib.

Üçüncü pillədəki adları açıqlanmayan brendlərin bazar payı aylıq 0,08 faiz bəndi azalaraq, illik isə 4,69 faiz bəndi artaraq 6,69 % olub.

Növbəti pillədə qərarlaşan "Xiaomi"nin bazar payı aylıq 6,68 faiz bəndi azalaraq, illik isə 2,11 faiz bəndi artaraq 5,53 % təşkil edib.