Azərbaycanın informasiya və rabitə sektorunda orta maaş 10 %-dən çox artıb

2024-cü ildə Azərbaycanda informasiya və rabitə sektorunda orta aylıq nominal əməkhaqqı 1 671 manat təşkil edib.

“Report” Dövlət Statistika Komitəsinə istinadən xəbər verir ki, bu göstərici dövlət sektorunda 1 490 manat, özəl sektorda isə 1 800 manat olub.

2023-cü illə müqayisədə informasiya və rabitə sektorunda orta aylıq nominal əməkhaqqı 10,4 %, o cümlədən dövlət sektorunda 12,5 %, özəl sektorunda isə 8,8 % artıb.

2025-ci il yanvarın 1-nə sektorda muzdla çalışan işçilərin sayı 34,3 min nəfər olub ki, bu da bir il əvvəlki göstəricidən 5,2 % çoxdur.