Azərbaycanda informasiya və rabitə xidmətlərinin ümumi dəyəri 6 %-ə yaxın artıb

Bu ilin yanvar ayında Azərbaycanda informasiya və rabitə müəssisələri 273,5 milyon manat dəyərində xidmət göstərib.

“Report” Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 5,8 % çoxdur.

Bu sahədə əldə edilmiş gəlirin 82,8 %-i qeyri-dövlət sektorunun payına düşüb, 73 %-i isə əhali sektoruna aid olub.

2024-cü ildə Azərbaycanda informasiya və rabitə müəssisələrinin göstərdiyi xidmətlərin dəyəri 2023-cü ilə nisbətən 11,4 % artaraq 3 milyard 601,7 milyon manat olub.