Azərbaycan əhalisinin İKT məhsulu alışına çəkdiyi xərc sentyabrda 34 % artıb

Bu ilin yanvar-sentyabr aylarında Azərbaycanda pərakəndə ticarət şəbəkəsində istehlakçılara 799,2 milyon manatlıq kompüterlər, telekommunikasiya avadanlıqları və çap məhsulları satılıb.

"Report" Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 33,1 % çoxdur.

Təkcə sentyabrda istehlakçılara 105 milyon manatlıq məhsul satılıb ki, bu da bir il əvvəlki göstəriciyə nisbətən 34,1 % çoxdur.

2025-ci ildə istehlakçılara 956,5 milyon manatlıq kompüterlər, telekommunikasiya avadanlıqları və çap məhsulları satılıb. Bu, 2024-cü ilin göstərici ilə müqayisədə 31,8 % çox olub.