Yağış suyu Zaqatalada yaşayış evinin bir hissəsini uçurub

Güclü yağış Zaqatalada yaşayış evinin bir hissəsini uçurub.

"Report"un Şimal-qərb bürosunun məlumatına görə, dünən axşam saatlarında Zaqatala rayonu ərazisinə yağan güclü leysan yağışı nəticəsində Yuxarı Tala kənd sakini İlham Süleymanova məxsus fərdi yaşayış evinin bir hissəsi dağlardan gələn yağış suları nəticəsində dağılıb. Yağış suları evin həyətinə və mənzilə dolub.

Rayon Fövqəlada Hallar Komissiyasından verilən məlumata görə, hazırda bölgəyə dəymiş ziyanlarla bağlı araşdırma aparılır. Fəsadların aradan qaldırılması istiqamətində tədbirlər görüləcək.