Siyəzəndə qadın sürücü qəza törədib, xəsarət alanlar var - FOTO

Siyəzən. 29 iyul. REPORT.AZ/ Siyəzəndə yol-nəqliyyat hadisəsi baş verib. 

"Report"un Şimal bürosu xəbər verir ki, qəza Bakı-Quba-Rusiya avtomobil yolunda, Zarat postunun yaxınlığında olub. 

Belə ki, "Opel" markalı, 90-DA-441 dövlət qeydiyyat nişanlı avtomobiliin sürücüsü idarəetməni itirərək yolun kənarındakı baryerə dəyib. Nəticədə sürücü və avtomobildəki digər iki sərnişin xəsarət alıb. 

Məlumata görə, "Opel"in sürücüsü qadın olub. 

Faktla bağlı araşdırma aparılır.