Şəmkirdə güclü külək fəsadlar törədib

Şəmkir rayonunun Sabirkənd kəndində davam edən küləkli hava şəraiti kənddə istixana və fermalara ciddi ziyan vurub.

"Report"un Qərb bürosunun məlumatına görə, bir neçə evin dam örtüyü və dəmir konstruksiyalı, eləcə də hasarlar ciddi zərər görüb.

Leysan yağışı selə səbəb olub. Nəticədə su evlərə dolub, arxlar daşıb, bir neçə sakinin ev quşlarını sel aparıb.

Hazırda bölgədə yağışla müşayiət olunan qeyri-sabit hava şəraiti davam edir.