Cəlilabad sakini itkin düşüb - FOTO

Cəlilabad. 2 fevral. REPORT.AZ/ Cəlilabad rayon sakini itkin düşüb.

"Report"un Aran bürosu xəbər verir ki, Göytəpə şəhər Nizami küçəsi, ev 67-də yaşayan 1993-cü il təvəllüdlü Sahib Sahibəli oğlu Mahmudov yanvarın 25-də naməlum avtomobillə evdən çıxıb və bir daha geri qayıtmayıb. Yanvarın 25-dən 8 gün keçməsinə baxmayaraq, S.Mahmudovun yerini bilən yoxdur.

Onun yaxınları bu barədə polis bölməsinə məlumat verib. Hazırda S.Mahmudovun tapılması istiqamətində araşdırma aparılır. 

Qeyd edək ki, o, 3 azyaşlı uşaq atasıdır.

Daha əvvəl Cəlilabad rayonunda sahibkar intihar edib.