Novxanıda bir nəfər dənizdə batıb

Xəzər dənizinin Novxanı qəsəbəsi ərazisindən keçən hissəsində faciəvi hadisə baş verib.

“Report”un yerli bürosu xəbər verir ki, 2009-cu il təvəllüdlü Bayramov Murad dənizdə çimərkən boğulub.

Hadisə barədə məlumat daxil olduqdan sonra axtarış-xilasetmə tədbirləri həyata keçirilib və yeniyetmənin cansız bədəni sudan çıxarılaraq aidiyyəti üzrə təhvil verilib.

Faktla bağlı araşdırma aparılır.