Lənkəranda şirkətə məxsus binadan oğurluq edilib

Bakı. 26 avqust. REPORT.AZ/ Lənkəran şəhərində quşçuluq sexindən naqilləri oğurlayan şəxs tutulub. "Report" xəbər verir ki, şəhər sakini Zakir Manafova məxsus Quşçuluq sexindən 2 000 manat dəyərində elektrik naqilləri oğurlanıb. 
Lənkəran Şəhər Rayon Polis Şöbəsinin (ŞRPŞ) əməkdaşlarının həyata keçirdikləri əməliyyat-axtarış tədbirləri nəticəsində quşçuluq sexindən elektrik naqillərini oğurlamaqda şübhəli bilinən Lənkəran sakini Əliyev Natiq tutulub. 
Faktla bağlı Lənkəran ŞRPŞ-də araşdırmalara başlanılıb.

Qeyd edək ki, quşçuluq sexi şəhər ərazisində fəaliyyət göstərən şirkətlərdən birinə məxsusdur