Kəngərlidə avtoqəzada ölənlərin sayı ikiyə çatıb - YENİLƏNİB 2

Kəngərlidə baş verən avtoqəzada ölənlərin sayı ikiyə çatıb.

"Report"un yerli bürosu xəbər verir ki, bu gün qəza zamanı xəsarət alanlardan biri – 1981-ci il təvəllüdlü Seyidova Rüqəyyə Bağır qızı isə müalicə aldığı Naxçıvan Muxtar Respublika Xəstəxanasında vəfat edib.

Hadisə nəticəsində 1998-ci il təvəllüdlü Gülşən Məmmədbağır qızı Məmmədova, 2009-cu il təvəllüdlü Aytac Əli qızı Seyidova, 1959-cu il təvəllüdlü Telli Alı qızı Quluzadə və 2023-cü il təvəllüdlü Araz Pərviz oğlu Məmmədov müxtəlif dərəcəli bədən xəsarətləri alıblar.

Faktla bağlı hüquq-mühafizə orqanları tərəfindən araşdırma aparılır.

19 iyul, 20:09

Kəngərli rayonunda baş verən yol-nəqliyyat hadisəsi nəticəsində xəsarət alan 5 nəfər Naxçıvan Muxtar Respublika Xəstəxanasına çatdırılıb.

Naxçıvan Muxtar Respublika Xəstəxanasının növbətçi həkimi Əfruz Hüseynova "Report"un yerli bürosuna bildirib ki, yaralılar bu gün günorta saatlarında Təcili Tibbi Yardım briqadaları tərəfindən xəstəxanaya gətirilib.

Bildirilib ki, xəsarət alanlar ilkin tibbi müayinədən keçirilib və hazırda onların müalicəsi davam etdirilir. Xəstələr müvafiq şöbələrə yerləşdirilib və vəziyyətləri orta-ağır qiymətləndirilir.

19 iyul, 19:03

Naxçıvan Muxtar Respublikasının Kəngərli rayonunda ölümlə nəticələnən ağır yol-nəqliyyat hadisəsi baş verib.

"Report"un yerli bürosunun məlumatına görə, qəza Naxçıvan–Sədərək magistral avtomobil yolunun 22-ci kilometrliyində, Yeni Kərki kəndi ərazisindən keçən hissədə qeydə alınıb.

Belə ki, "Hyundai" markalı avtomobil idarəetmədən çıxaraq aşıb. Nəticədə avtomobildə olan 2010-cu il təvəllüdlü Mirməhərrəm Afət oğlu Seyidov hadisə yerində həyatını itirib.

Qəza zamanı 1998-ci il təvəllüdlü Gülşən Məmmədbağır qızı Məmmədova, 2009-cu il təvəllüdlü Aytac Əli qızı Seyidova, 1959-cu il təvəllüdlü Telli Alı qızı Quluzadə, 1981-ci il təvəllüdlü Rüqəyyə Bağır qızı Seyidova və 2023-cü il təvəllüdlü Araz Pərviz oğlu Məmmədov müxtəlif dərəcəli bədən xəsarətləri alıblar.

Yaralılar Naxçıvan Muxtar Respublika Xəstəxanasının Təcili Tibbi Yardım şöbəsinə çatdırılıblar.

Hadisə yerinə hüquq-mühafizə orqanlarının əməkdaşları cəlb olunub.

Faktla bağlı araşdırma aparılır.