Hacıqabulda maşın su kanalına düşüb, 1 nəfər xəsarət alıb

Hacıqabul. 27 fevral. REPORT.AZ/ Hacıqabul rayonunda bir nəfərin xəsarət alması ilə nəticələnən yol-nəqliyyat hadisəsi baş verib.

"Report"un Aran bürosu xəbər verir ki, hadisə bu gün axşam saat 21:30 radələrində rayonun Abdulabad kəndində qeydə alınıb.

İlkin məlumata görə, minik avtomobili idarəetməni itirərək yaxınlıqdakı kanala düşüb. Sürücünün xəsarət aldığı bildirilir. Onun şəxsiyyəti dəqiqləşdirilir.

Faktla bağlı araşdırma aparılır.

Daha əvvəl Abşeronda idarə rəisi yol qəzasında ağır yaralanıb.