Hacıqabulda avtomobil piyadanı vurub

Hacıqabul şəhərində piyadanın vurulması ilə nəticələnən yol-nəqliyyat hadisəsi baş verib.

“Report”un Aran bürosunun məlumatına görə, hadisə şəhərin Bayram İbrahimov küçəsində qeydə alınıb.

Belə ki, Hacıqabul şəhəri, Ə. Vahid küçəsi 124 ünvanında yaşayan Salmanov Əliağa Balakişi oğlu yolu keçmək istəyən zaman avtomobil onu vurub.

Müxtəlif dərəcəli bədən xəsarətləri alan piyada Şirvan Şəhər Mərkəzi Xəstəxanasına yerləşdirilib.

Faktla bağlı araşdırma aparılır.