Goranboyda qadını bıçaqlayan şəxs saxlanıldı - YENİLƏNİB

Goranboyda 30 yaşlı qadını bıçaqlayan kişi saxlanılıb.

"Report"un Qərb Mərkəzinin məlumatına görə, hadisəni törətməkdə şübhəli bilinən 1989-cu il təvəllüdlü Zaur Məhərrəmov polis əməkdaşları tərəfindən saxlanılıb.

Faktla bağlı araşdırma aparılır.

30.06.2021.21:58

Goranboyda bıçaqlanma hadisəsi baş verib.

"Report"un Qərb Mərkəzinin məlumatına görə, hadisə rayonun Ağcakənd ərazisində qeydə alınıb. Bərdə rayon sakini, 1991-cü il təvəllüdlü Elnarə Firudin qızı Qarayeva çoxsaylı bıçaq xəsarətləri alıb. O, ağır halda Goranboy Rayon Mərkəzi Xəstəxanasına aparılıb və dərhal əməliyyat edilib.

Yaralının vəziyyəti ağırdır.

İlkin məlumata görə, qadın tanıdığı şəxs tərəfindən bıçaqlanıb.

Faktla bağlı araşdırma aparılır.